Թուրքիայի վարչապետ Ահմեթ Դավութօղլուն, 2014-ի հունվարի 13-ին ելույթ ունենալով իշխող ԱԶԿ խորհրդարանական խմբակցության առաջ, հայտարարել է, որ Գերմանիայի կանցլեր Անգելա Մերկելի հետ հանդիպման ժամանակ որոշվել է Թուրքիայի և Գերմանիայի միջև հիմնել բարձր մակարդակի համագործակցության խորհուրդ։
Դավութօղլուն նշել է, որ մինչ այս Թուրքիան համագործակցության այդպիսի խորհուրդներ ուներ Ֆրանսիայի, Ռուսաստանի և Իրաքի հետ, իսկ այժմ նման բարձր մակարդակի խորհուրդ են հիմնելու Գերմանիայի հետ։
Հիշեցնենք, որ Դավութօղլուն Գերմանիայի կանցլեր Անգելա Մերկելի հետ հանդիպել էր հունվարի 12-ին՝ Բեռլինում։ Նրանք քննարկել էին «Իսլամական պետության» դեմ մղվող պայքարում Թուրքիայի դերին, Թուրքիայում տեղի ունեցող իրադարձություններին, Գերմանիայում ապրող թուրքերին, ինչպես նաև երկկողմ համագործակցությանը վերաբերող մի շարք հարցեր։