ՆԱՏՕ-ի մասնակցությամբ Թուրքիայում անցկացվում են ծովային զորավարժություններ

Նուսրեթ-2014 (Nusret-2014) զորավարժությունը անցկացվելու է նոյեմբերի 21-30-ին Իզմիրի ծովածոցում։ Նպատակը ջրային ականապատման և ականազերծման աշխատանքների ծրագրավորումն է։

ՆԱՏՕ-ի զառմանավերը Իզմիրի ծովածոցում

ՆԱՏՕ-ի ռազմանավերը Իզմիրի ծովածոցում

Զորավարժությանը մասնակցում են Թուրքիայի և ՆԱՏՕ անդամ այլ երկրների ռազմածովային ուժերն ու օդուժը, առափնյա անվտանգության նավերն ու ուղղաթիռները: Իբրև դիտորդ՝ զորավարժությանը մասնակցելու են նաև Ադրբեջանի ԶՈւ ներկայացուցիչներ:

Զորավարժության նպատակը մասնակից երկրների կողմից պատերազմի ժամանակ ջրային ականապատման և ականազերծման աշխատանքների ծրագրավորումը, իրականացումը և գնահատումն են, անդամ երկրների համապատասխան միավորումների համատեղ գործողությունների ծրագրի մշակումը:

Թուրքիայի ԶՈւ գլխավոր շտաբի հայտնած տեղեկությունների համաձայն՝ զորավարժությանը մասնակցում են Թուրքիայի ԶՈւ ռազմածովային ուժերի 1 հետախուզական ռազմանավ, 4 ականազերծող նավ, 3 ական հայտնաբերող նավ, 1 հրամանատարաշտաբային նավ, 1 պարեկանավ, 1 ծովային ուղղաթիռ, 1-ական հավաքող կատեր, Թուրքիայի ՌԾՈւ ստորջրյա պաշտպանության ստորաբաժանումը (SAS), ռազմաօդային ուժերի 2 ռմբակոծիչ, 1 բեռնատար C-130 Hercules տիպի ինքնաթիռ, առափնյա պաշտպանության ուժերի 2 առափնյա անվտանգության կատեր:

Մասնակից մյուս երկրներից մասնակցելու են ՆԱՏՕ-ի երկրորդ մշտական ականազերծման խմբի (SNMCMG-2) Թուրքիայի, Գերմանիայի, Բուլղարիայի, Մեծ Բրիտանիայի, Իտալիայի և Հունաստանի զինված ուժերի 5-ական հայտնաբերող նավ և 1 հետախուզական ռազմանավ:

Զորավարժության ընթացքին հետևելու են 20 դիտորդներ ԱՄՆ-ից, Ադրբեջանից, Ալժիրից, Վրաստանից, Հարավային Կորեայից, Քաթարից, Լիբանանից, Պակիստանից, Ղազախստանից և Չիլիից:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *