ՀՀ ԶՈւ ռազմաբժշկական ու ԱԻՆ փրկարար ծառայությունները զորավարժություն են իրականացրել

Հոկտեմբերի 11-ին ՀՀ ՊՆ Վազգեն Սարգսյանի անվան ռազմական ինստիտուտում անցկացվել է ցուցադրական մարտավարական-մասնագիտական վարժանք ՀՀ ԶՈւ ռազմաբժշկական  և ՀՀ ԱԻՆ փրկարարական ծառայությունների  ներգրավմամբ:

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

«Հակադիվերսիոն գործողությունների բժշկական ապահովման կազմակերպումը» թեմայով անցկացված ստուգատեսը ներառել է մոտոհրաձգային գումարտակի հակադիվերսիոն գործողությունների բուժապահովում, բուժապահովում որակավորված բժշկական օգնության փուլում:

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

Վարժանքի սցենարով որակավորված բուժօգնության կարիք ունեցողները սանիտարական տրանսպորտով տարհանվել են, իրականացվել է վիրավորների և հիվանդների տեսակավորում:

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

Ցուցադրական վարժանքի շրջանակում իրականացվել է նաև ամբողջական ծավալով որակավորված բուժօգնության ցուցաբերում, իսկ հաջորդ փուլում` քաղաքացիական բնակավայրում հակադիվերսիոն գործողության բուժապահովում, որոնողական և փրկարարական միջոցառումներ:

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

ՀՀ ԶՈւ ռազմաբժշկական ու ԱԻՆ փրկարար ծառայությունների զորավարժությունից

Հոկտեմբերի 10-ին մեկնարկած «Զինվորական բժշկության արդի հիմնախնդիրները» թեմայով միջազգային գիտաժողովի և «Հակադիվերսիոն գործողությունների բժշկական ապահովման կազմակերպումը» թեմայով անցկացված վարժանքի ամփոփումից հետո հոկտեմբերի 11-ին գիտաժողովի պատվիրակներին հանդիպել է պաշտպանության նախարար Սեյրան Օհանյանը: Պաշտպանական գերատեսչության ղեկավարն իր շնորհակալական խոսքն է ուղղել գիտաժողովի պատվիրակներին` կարևորելով արտերկրի գործընկերների մասնակցությունը:

«Զինվորական բժշկության արդի հիմնախնդիրները» թեմայով միջազգային գիտաժողովը

«Զինվորական բժշկության արդի հիմնախնդիրները» թեմայով միջազգային գիտաժողով

Հավելենք, որ զինվորական բժշկության արդի հիմնախնդիրների քննարկման, նոր լուծումների նախանշման ու կուտակած փորձի փոխանակման նպատակով ՊՆ վարչական համալիրում հոկտեմբերի 10-ին մեկնարկել էր «Զինվորական բժշկության արդի հիմնախնդիրները» թեմայով միջազգային գիտաժողովը: Գիտաժողովին մասնակցել են ՀՀ, ՌԴ, ԱՄՆ, Գերմանիայի, Ֆրանսիայի և Հունաստանի ռազմաբժշկական, գիտական և կրթական կառույցների ներկայացուցիչներ: Այն կազմակերպել էին ՀՀ ԶՈւ ռազմաբժշկական վարչությունը, ՀՀ արտակարգ իրավիճակների նախարարության փրկարարական ծառայության բժշկական ապահովման վարչությունը, Երևանի Մ. Հերացու անվան պետական բժշկական համալսարանը և Զինվորական բժիշկների հայկական ասոցիացիան:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *