Սուդանի բանակի ներկայացուցիչը ՄԱԿ ԱԽ-ին ուղղված իր դիմումում հայտարարել է, որ Սուդանն իր զորքերը դուրս կբերի Աբյեյի շրջանից, որը գտնվում է հարավային Սուդանի սահմանին։
Մայիսի 17-ին ԱԽ-ն վեց ամսով երկարաձգել է Աբյեյի սահմանամերձ շրջանի անվտանգության ապահովման ՄԱԿ-ի ժամանակավոր ուժերի մանդատը։ Հիշեցնենք, որ այդ շրջանին հավակնում են Սուդանն ու Հարավային Սուդանը, քանի որ շրջանը հարուստ է նավթով (թեև որոշ տվյալներով նավթային պաշարներն իրականում արդեն սպառված են) և նրա տարածքով է անցնում խոշոր նավթամուղը։
Մանդատը նախատեսում է Աբյեյի ապառազմականացված գոտի, ուր ՄԱԿ-ի դրոշի ներքո տեղակայված կլինի միջազգային խաղաղապահների կոնտինգենտը։
Թեմայով տես նաև՝ Սուդանը ռմբակոծում է Հարավային Սուդանը։