Թուրքիայի զինված ուժերի բեռնատար ինքնաթիռը Գազայի հատվածում գործողությունների հետևանքով վիրավոր պաղեստինցիների հերթական խմբին է Իսրայելից Թուրքիա է տեղափոխվել՝ բուժման նպատակով։
Թուրքական օդուժի C-130 բեռնատար ինքնաթիռը օգոստոսի 28-ին մեկնել է Թել Ավիվի Բեն Գուրիոն օդանավակայան, որտեղից ներկայիս Թուրքիային Այնթապ քաղաք է տեղափոխել 33 վիրավորի, որից 10-ը՝ անչափահասներ։
Օգոստոսի կեսերից թուրքական ռազմական ինքնաթիռները հաճախ են Թուրքիայի տարածք տեղափոխում վիրավոր պաղեստինցիների, ինչը կարելի է կապել Անկարայի քարոզչական հնարքների հետ։
Նշենք, որ վերջին տարիներին Թուրքիան ակտիվորեն աջակցում է պաղեստինցիներին՝ միևնույն ժամանակ Իսրայելին ծանր մեղադրանքներ առաջադրելով։ Վերջին շրջանում Գազայի հատվածում ռազմական գործողությունների ընթացքում Թուրքիան տարբեր օղակներով Իսրայելին սուր քննադատում էր և իր աջակցությունը հայտնում պաղեստինցիներին։
Թուրք-իսրայելական հարաբերություները զգալի սրվեցին, երբ 2011 թվականին Գազայի հատված մարդասիրական օգնություն տեղափոխող «Ազատության նավատորմիղի» վրա գրոհ իրականացրին իսրայելցի հատուկջոկատայինները, երբ նավերը չենթարկվեցին կանգնելու հրամանին։ Իսրայելի գործողությունների հետևանքով 9 թուրք սպանվեց։