Հայաստանի բարձրլեռնային Ալագյազ զորավարժարանում ՌԴ ԶՈւ հարավային ռազմական օկրուգի 102-րդ ռազմաբազայի ինժեներների համար հատուկ վարժանքներ են իրականացվում։ Վարժանքներին ներգրավված են 150 զինծառայող և 30 միավոր հատուկ տեխնիկա։
ՌԴ ԶՈւ ՀՌՕ-ի 102-րդ ռազմաբազայի ինժեներները վարժանքների ժամանակ
Նկարը՝ ՌԴ ՊՆ-ի
Այս մասին հայտնում է ՌԴ պաշտպանության նախարարության մամուլի ծառայությունը։
Վարժանքների ընթացքում զինծառայողներն ինչպես անհատական վարժանքներ են կատարելու, այնպես էլ անձնակազմի և ամբողջ ստորաբաժանման հետ միասին։ Վարժանքներն իրականացվում են 2200 մետր բարձրության վրա մինչև 50 աստիճան ջերմաստիճանում։
Հիշեցնենք, որ Ռուսաստանի 102-րդ ռազմաբազան տեղակայվել է 1995 թվականին Գյումրիում: Իրականացնում է մարտական հերթապահություն ԱՊՀ ՀՕՊ Միասնական համակարգի շրջանակներում։ Բազան հագեցած է Ս-300Վ զենիթահրթիռային համակարգերով և ՄԻԳ-29 կործանիչներով։ Անձնակազմը բաղկացած է մոտ 5 հազար հոգուց։