Այսօր՝ հունիսի 11-ին, Հայաստանի երկնքում ՄիԳ-29 կործանիչներով ցուցադրական թռիչքներ էին կատարում Երևանի Էրեբունի օդանավակայանում տեղակայված ռուսաստանյան բազայի օդաչուները։
Ավիաբազան Ռուսաստանի օրվա կապակցությամբ բաց դռների օր էր հայտարարել։
Մինչև ցուցադրական թռիչքները ռուսաստանյան բազայի զինծառայողները հանդիսավոր քայլերթով ողջունեցին ներկաներին, որից հետո շնորհավորական ելույթ ունեցան ՀՀ ԶՈւ ԳՇ պետը, Հայաստանում ՌԴ արտակարգ և լիազոր դեսպանը, ավիաբազայի հրամանատարը և այլք։
Օդանավակայանի տարածքում հասարակության համար ցուցադրվել էին Մի-8 և Մի-24 ուղղաթիռներ, ինչպես նաև ՄիԳ-29 մարտական և ուսումնամարտական կործանիչներ։
Թռիչքների ժամանակ Մի-24 գրոհային ուղղաթիռների հսկմամբ Մի-8 ուղղաթիռից դեսանտավորում կատարվեց, որից հետո ավիաբազայի հրամանատարը միայնակ ցուցադրական համարներ ներկայացրեց։
Օրն ավարտվեց պարաշյուտիստների թռիչքներով, որոնք երկնքից իջեցրին Հայաստանի և Ռուսաստանի դրոշները։
շ
Նկարները՝ Հասմիկ Մելիքսեթյանի