Ադրբեջանում վրաերթի հետևանքով փոխգնդապետ է վիրավորվել

Բաքվի Նասիմի շրջանում Mercedes մակնիշի ավտոմեքենան վրաերթի է ենթարկել Ադրբեջանի պաշտպանության նախարարության փոխգնդապետ Էլդար Վելի օղլու Մամեդովին, որն այդ ժամանակ փողոցն անցնելիս է եղել։

Տեղեկությունը հաստատել են և´ Նասիմիի շրջանի ոստիկանական բաժանմունքը, և´ Ադրբեջանի ՊՆ մամուլի ծառայությունը։ Ադրբեջանի ՊՆ տվյալներով՝ փոխգնդապետը ծանր վնասվածքներով հոսպիտալացվել է։

Փաստի առնչությամբ ընթանում է հետաքննություն։

Նկատենք, որ հետևելով ադրբեջանական բաց աղբյուրների տվյալներին՝ 2014-ի մայիս ամսվա ընթացքում Ադրբեջանի զինուժը հաղորդել է 3 զոհի, 14 վիրավորի մասին։