Շուշիի Ղազանչեցոց Սուրբ Ամենափրկիչ եկեղեցում մայիսի 11-ին Արցախի թեմի առաջնորդ Գերաշնորհ Տ. Պարգև արքեպիսկոպոս Մարտիրոսյանի հանդիսապետությամբ և Տ. Անդրեաս քահանա Թավադյանի ձեռամբ մատուցվեց պատարագ։
Պատարագին մասնակցում էին ՊԲ հրամանատարական անձնակազմը, բարձրաստիճան զինվորականներ, այլ զինծառայողներ, տեղեկացնում է ՀՀ ԶՈւ հոգևոր առաջնորդության կայքը:
Պատարագի ընթացքին սրբազան հայրն իր խոսքում խրախուսեց ՊԲ զինծառայողներին, որվքեր իրենց անձնվեր և հայրենանվեր սխրանքով կերտեցին մայիսյան հաղթանակները
Մայիսյան հաղթական տոների առիթով պատարագին մասնակցությամբ իրենց ուխտերը նորոգեցին նաև ՊԲ բոլոր զորամիավորումների հրամանատարական և զինվորական անձնակազմերը` Մարտակերտի Սուրբ Հովհաննու Կարապետ Եկեղեցում, Գանձասարի և Ամարասի վանքերում: