Սպա է անհետացել։ Այլընտրանքային ճանապարհը պատրաստ կլինի հուլիսից։ Նշվեց Եռատոնը։ Դիտարկում Արցախում։ Սեյրան Օհանյանն այցելել է ԶՈւ զորամասերից մեկը։ Բակո Սահակյանն ընդունել է ԵԱՀԿ գործող նախագահի անձնական ներկայացուցչին։
”Մայիսի 1-ին Վայքի՝ Նախիջևանի Ինքնավար Հանրապետությանը սահմանակից ՀՀ ԶՈւ զորամասերից մեկի սպա է անհետացել։ Անհետացած 28-ամյա Մերուժան Աշոտի Հարությունյանը կոչումով ավագ լեյտենանտ է: Նրան գտնելու ուղղությամբ աշխատանքներ են տարվում։
”Տավուշի մարզի Պառավաքար-Վազաշեն 3200 մետր այլընտրանքային ավտոճանապարհը կշահագործվի 2014 թվականի հուլիս ամսից: Այս պահին շինարարական աշխատանքներ են իրականացվում, ինչի շնորհիվ հնարավոր կլինի կազմակերպել ավտոմեքենաների անվնաս երթևեկությունը:
”ՀՀ պաշտպանության նախարար Սեյրան Օհանյանը մայիսի 3-ին աշխատանքային այցով եղել է Հայաստանի հյուսիսարևմտյան հատվածում տեղակայված ԶՈւ զորամասերից մեկում: Նա ծանոթացել է նաև զորամասի տարածքում իրականացվող լայնածավալ շինարարական աշխատանքներին, ստուգել է զորամասի առանձնահատուկ ուսումնանյութական բազան և տեխնիկական հագեցվածությունը:
”ԵԱՀԿ առաքելությունը հայկական և ադրբեջանական զինված ուժերի շփման գծի պլանային դիտարկում է անցկացրել Արցախի Մարտակերտի շրջանի Սեյսուլան բնակավայրի հյուսիս-արևմտյան ուղղությամբ: Դիտարկումն անցել է նախատեսված ժամանակացույցի համաձայն, իսկ կրակի դադարեցման ռեժիմի խախտումներ չեն արձանագրվել:
-Արցախի նախագահ Բակո Սահակյանը մայիսի 5-ին ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին: Հանդիպմանը քննարկվել են Արցախի հակամարտության կարգավորման բանակցային գործընթացում, ինչպես նաեւ Պաշտպանության բանակի և Ադրբեջանի զինված ուժերի շփման գծում տիրող իրավիճակին վերաբերող մի շարք հարցեր:
-Պաշտպանության բանակի զորամասերից մեկի հրամանատար, գնդապետ Միքայել Արզումանյանին շնորհվել է գեներալ-մայորի զինվորական կոչում։ Համապատասխան հրամանագիրը ստորագրել է Արցախի նախագահ Բակո Սահակյանը
-Պաշտպանության բանակի հյուսիսարևելյան զորամասերից մեկում մկրտության արարողություն է կազմակերպվել։ Մկրտվել է 18 զինծառայող։
-Հայաստանում մայիսի 8-9-ին նշվեց Եռատոնը։ Ռազմինֆոյի ռեպորտաժներին կարող եք ծանոթանալ այստեղ՝ Ես հակահեղափոխականի տղա եմ եղել. Երևանում Հաղթանակի օրվան ընդառաջ հավաքվել էին վետերանները
Եռատոնը՝ սերունդների աչքերով. նշվեց հաղթանակների օրը (ֆոտոշարք)
Ռազմաշաբաթը նաև՝