Պաշտպանության բանակում ապրիլի 21-23-ը անց է կացվել հերթական գումարտակային մարտավարական զորավարժությունը։
Վարժանքներն ունեցել են ցուցադրական-ուսուցողական նշանակություն և ուղեկցվել են մարտական հրաձգությամբ:
Կադր ՊԲ զորավարժությունից
Զորավարժության եզրափակիչ փուլին հետևել են ՊԲ հրամանատար, գեներալ-լեյտենանտ Մովսես Հակոբյանն ու բանակի հրամանատարի տեղակալները:
Տանկային բրիգադի հետ անցկացված գումարտակային զորավարժության ընթացքում անձնակազմն ու ղեկավարությունը պայմանական մարտադաշտում ցուցադրել է մարտավարամասնագիտական, ֆիզիկական և բարոյակամային պատրաստության գերազանց մակարդակ:
Զորավարժության արդյունքում կատարելագործվել են գումարտակի հրամանատարության և շտաբի ունակությունները մարտի տարբեր տեսակներում ենթակա և տրված ստորաբաժանումների ղեկավարման գործում, ջոկերի, դասակների և վաշտերի հրամանատարները ձեռք են բերել կրակի կառավարման և փոխգործակցության իրականացման ու որոշումներ ընդունելու փորձ, իսկ անձնակազմը բարձրացրել է դաշտային վարժվածության մակարդակը, տեղեկացնում է ՊԲ մամուլի ծառայությունը:
Pingback: ՊԲ-ում մարտավարական զորավարժություն է անցկացվել. Ռազմ.info | Armday