Մարտի 31-ին մարտական առաջադրանք կատարելու ժամանակ ականի պայթյունի հետևանքով մահացած ավագ լեյտենանտ Հարություն Գառնիկի Սաֆարյանը «Մարտական ծառայության» մեդալ է ստացել։
Արցախի նախագահ Բակո Սահակյանն ավագ լեյտենանտ Սաֆարյանին հետմահու «Մարտական ծառայության» մեդալ պարգևատրելու վերաբերյալ հրամանագիրը ստորագրել է ապրիլի 1-ին։
Նշենք, որ 1987 թվականի ծնված ավագ լեյտենանտ Հարություն Գառնիկի Սաֆարյանը մարտի 31-ին հայ-ադրբեջանական շփման գծի հարավային ուղղությամբ տեղակայված զորամասերից մեկի պահպանության տեղամասի մարտական հենակետում մարտական առաջադրանք կատարելու ժամանակ ականի պայթյունից մահացու վիրավորում է ստացել:
Միջադեպի մանրամասները պարզելու համար տարվում է քննություն: