«InterRight» գործակալությունը տեղեկացնում է, որ Ադրբեջանը մինչև տարվա վերջ Իսրայելից կգնի «Orbiter-2M» և «Aerostar» մակնիշի ևս 60 անօդաչու սարքեր:
Բացի այդ Ադրբեջանում փորձում են իսրայելական անօդաչու թռչող սարքերի պահեստամասերի արտադրություն, ինչպես նաև հավաքման գործընթաց կազմակերպել։ Դժվար է ասել, թե իրականում ինչ փուլում են գտնվում այդ նախագծերը, բայց ադրբեջանական մամուլը նշում է, որ արտադրությունը նախատեսվում է իրականացնել «AZAD System Co.» ձեռնարկության Բաքվից ոչ հեռու գնտվող բազայում:
Ադրբեջանական պահեստազորի փոխգնդապետ Ուզեր Ջաֆարովն ասել է. «Շատ կարևոր է առավելություն ձեռք բերել Հայաստանի նկատմամբ՝ ունենալով այդպիսի թռչող սարքեր: Այժմ այն անփոխարինելի զենք է Լեռնային Ղարաբաղում հետախուզական գործողությունների համար: Հակամարտության ժամանակ այն կօգտագործենք, որպեսզի ճիշտ որոշենք հակառակորդի տեղը, դիրքը, պատրաստակամության աստիճանն ու ուժերի քանակը»:
Հիշեցնենք նաև, որ Հայաստանը ևս քայլեր է ձեռնարկում անօդաչու թռչող սարքերով զինվելու ուղղությամբ։ ՀՀ անկախության 20-ամյակին նվիրված զորահանդեսին առաջին անգամ ցուցադրվեց հայկական արտադրության «Կռունկ-25» անօդաչու թռչող սարքը:
-
«Orbiter-2М» ” մարտավարատեխնիկական բնութագրերը .
- թևերի բացվածքը՝ 2.2մ
- երկարությունը՝ 1մ
- գործողության շառավիղը՝ 50կմ
- առավելագույն թռիչքային զանգված՝ 6.5կգ
- օգտակար բեռի զանգվածը՝ 1.5կգ
- առավելագույն բարձրություն` 5500մ
- արագություն՝ 140կմ/ժ
- օդում մնալու ժամանակահատված՝ մինչև 3 ժամ
-
«Aerostar» ” մարտավարատեխնիկական բնութագրերը .
- թևի բացվածքը՝ 6.5մ
- երկարությունը՝ 4.4մ
- բարձրությունը՝ 1.2մ
- թռիչքային զանգվածը՝ 200կգ
- օգտակար բեռի զանգվածը՝ 50կգ
- թռիչքի աշխատանքային արագություն՝ 70կմ/ժ
- թռիչքի առավելագույն արագությունը՝ 80կմ/ժ
- գործողության շառավիղը՝ 200կմ
- օդում մնալու ժամանակահատված՝ մինչև 14 ժամ
- թռիչքի առավելագույն բարձրությունը՝ մինչև 5500մ