Դեռ սեպտեմբերի 18-ին ԵՊՀ-ում ուսանողների հետ հանդիպման ժամանակ պաշտպանության նախարար Սեյրան Օհանյանը նշեց, որ աշնանային զորակոչը կմեկնարկի դեկտեմբերից և կշարունակվի մինչև հունվար։
Ռազմինֆոն այս թեմայով զրուցեց ՊՆ մամուլի քարտուղար Արծրուն Հովհաննիսյանի հետ։
Ըստ մամուլի քարտուղարի՝ աշնանային զորակոչը-զորացրումը մոտ մեկ ամիս կհետաձգվի և կանցկացվի դեկտեմբեր-հունվար ամիսներին։
Պատճառը կրթական բարեփոխումներն են։ «Նախորդ զորակոչի զինվորները մոտ մեկ ամիս ավել կծառայեն, դա, իհարկե, ոչ բոլորին է վերաբերում»-նշեց Արծրուն Հովհաննիսյանը։
Աշնանային զորակոչ-զորացրում սկսելու հրամանագիրը ստորագրում է նախագահ Սերժ Սարգսյանը։
Նշենք, որ 2012 թվականի աշնանային զորակոչ անցկացնելու եւ զորացրում կատարելու մասին հրամանագիրը նախագահը ստորագրել էր հոկտեմբերի 5-ին։
Հիշեցնենք, որ, ըստ Սեյրան Օհանյանի՝ աշնանային զորակոչը կարող է անցկացվել վիճակահանությամբ։
Ամենայն հավանականությամբ, այս փոփոխությունները պետք է դիտարկել Ադրբեջանում ընթացիկ տարվա հոկտեմբերի 9-ին կայանալիք նախագահական ընտրությունների համատեքստում:
One response to “Աշնանային զորակոչը կմեկնարկի դեկտեմբերին”