Թուրքիայում զինծառայող է ինքնասպան եղել

Ներկայիս Թուրքիայի Սղերթ (Սիիրթ) նահանգում ժամկետային զինծառայող է ինքնասպան եղել։ 20-ամյա Մաշալլահ Թ-ն ինքնասպանություն է գործել օգոստոսի 26-ին՝ կեսօրից հետո։

Ինքնասպանության պահին թուրքական բանակի զինծառայողը պահակային ծառայություն էր կրում Բայքան շրջանի զորամասերի մեկում։

Նա իրեն ամրակցված զենքով մահացու վիրավորում է հասցրել գլխի շրջանում։

20-ամյա շարքայինը Թուրքիայի զինված ուժեր էր զորակոչվել Վանի նահանգից։

Նշենք, որ օրերս Թուրքիայի պաշտպանության նախարարությունը հրապարակել էր երկրի զինված ուժերում ինքնասպանության վերաբերյալ տվյալները. վերջին 1,5 տարում թուրքական բանակում ինքնասպանություն է գործել 108 զինծառայող։

 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *