Ռաքքան ազատագրելուց հետո Սիրիայի քրդական ուժերը հայտարարել են, որ այն պետք է լինի «ապակենտրոնացված, Դաշնային Սիրիայի» կազմում, իսկ քաղաքի իշխանությունը պետք է փոխանցվի քաղաքային խորհրդին:
Հոկտեմբերի 20-ին «Իսլամական պետություն» ահաբեկչական խմբավորումից քաղաքը ազատագրելու առթիվ անցկացված միջոցառմանը հայտարարել է «Սիրիայի դեմոկրատական ուժերի» (SDF) խոսնակ Թալալ Սիլոն: Փոխանցում է Reuters լրատվական գործակալությունը:
Talal Silo ( Spoxman of SDF): we will deliver Raqqa city to Raqqa Civil concil and we will protect it from external pic.twitter.com/EunmelZKSU
— news_malgerok21 (@21news_malgerok) October 20, 2017
Ըստ SDF-ի՝ հիմնականում արաբ բնակչությամբ քաղաքի և հարակից շրջանների բնակիչները իրենք պետք է որոշեն իրենց ապագան «ապակենտրոնացված, Դաշնային և ժողովրդավարական Սիրիայի» շրջանակներում: Այս քայլով, ամենայն հավանականությամբ, քրդական ուժերը փորձում են Ռաքքան պահել իրենց իշխանության շրջանակներում:
Քրդական ուժերը Սիրիայի հյուսիսային շրջաններում, որոնք փաստացի հենց քրդերի վերահսկողության տակ են, ցանկանում են հասնել ինքնավար շրջանի ստեղծման հետագայում:
Նշենք, որ SDF-ը Ռաքքա քաղաքը ահաբեկիչներից ազատագրելու մասին հայտարարել էր հոկտեմբերի 17-ին: