Հոկտեմբերի 9-ին Ադրբեջանի ՊՆ, գեներալ-գնդապետ Զաքիր Հասանովին ընդունել է Բելառուսի պետական ռազմարդյունաբերական կոմիտեի ղեկավար, գեներալ-մայոր Օլեգ Դվիգալեվը: Կողմերը քննարկել են ռազմատեխնիկական համագործակցությունը և «նախանշել հետագա զարգացման քայլերը»: Այս մասին հոկտեմբերի 10-ին հայտնել է Բելառուսի ռազմարդյունաբերական կոմիտեի կայքը:
Հաղորդագրությունում նշվում է, որ կողմերը հակված են զարգացնել ռազմատեխնիկական ոլորտում համագործակցությունը:
Ադրբեջանի պաշտպանության նախարարի գլխավորած պատվիրակությունը նաև այցելել է Բելառուսի մի շարք ռազմարդյունաբերական կազմակերպություններ, ծանոթացել բելառուսական արտադրանքին, զինտեխնիկային:
Հիշեցնենք, որ Հասանովը Բելառուս էր այցելել հոկտեմբերի 8-ին. առաջին օրը նրան ցուցադրել էին Բելառուսում հավաքվող «Պոլոնեզ» հրթիռային համալիր: Հոկտեմբերի 9-ին Հասանովին ընդունել էին Բելառուսի նախագահը և պաշտպանության նախարարը:
Ադրբեջան հոկտեմբերի 10-ին Ադրբեջանի պաշտպանական գերատեսչության ղեկավարն այցելել էր Բելառուսի ռազմական ակադեմիա, հանդիպել նաև այդ երկրի ԱԱԽ քարտուղարին: Նույն օրը Հասանովին նաև ցուցադրել էին Բելառուսում հավաքվող Տ38 «Ստիլետ» զենիթահրթիռային համալիրներ: