Հոկտեմբերի 2-ին Թուրքիայի պաշտպանության նախարար Նուրեդդին Ջանիքլին հայտարարել է, որ պաշտպանական արդյունաբերությունում տեղական ընկերությունների մասնաբաժինը հատել է 65 տոկոսի սահմանը՝ ի տարբերություն 2002 թ. 18 տոկոսի: Փոխանցում է թուրքական պետական «Անադոլու» լրատվական գործակալությունը:
Թուրքական ԹԱԻ ընկերության րտադրության «Անքա» հարվածային ԱԹՍ
«Այս հողերի պաշտպանության համար միայն կամ էլ մեծամասամբ այլ երկրներից մեր գնելիք զինատեսակներով իրականացնելը չի կարող քննարկվել: Շատ դառը փորձեորվ մեզ ամենապետքական ժամանակ մեր ընկերները, դաշնակիցները մեզ չեն ուղարկել զենքերը, որոնք փողը կանխիկ ենք տվել», – Հայտարարել է Թուրքիայի ՊՆ ղեկավարը:
Թուրք նախարարը նշել է, որ այդ իսկ պատճառով իրենք գնալով ավելացնելու են տեղական սպառազինության քանակությունը սեփական զինուժում:
Հավելենք, որ վերջին 10-15 տարիներին Թուրքիայում բավական լայն թափերով զարգանում է տեղական ռազմարդյունաբերությունը, այդ թվում՝ տեղական մշակումների և արտասահմանյան զենքերի արտոնագրով հավաքման միջոցով:
Թուրքիայում զինտեխնիկայի արտահանման, արտադրության ծավալներով առաջին 5 ընկերություններն են՝
- «Թուրքիայի ավիաշինական արդյունաբերություն» — TAI,
- «Թուրքիայի շարժիչների արդյունաբերություն» — TEI,
- «Մեքենաների և քիմիական արդյունաբերության ընկերություն» — MKEK,
- FNSS պաշտպանական տեխնոլոգիաների, զրահապատ մեքենաների արտադրության ընկերություն,
- «Ռազմական էլեկտրոնիկայի արդյունաբերություն» — ASELSAN:
Ավելացնենք, որ Թուրքիայի նման դիրքորոշումը մասնակիորեն կապված է նաև Գերմանիայի հետ զենքի վաճառքի ոլորտում ունեցած դժվարություններով: Վերջին տարիներին գերմանական կողմը մերժել է Թուրքիային զենք վաճառելու գործարների զգալի մասը, սակայն ամբողջությամբ չի դադարեցրել: