Սեպտեմբերի 29-ին Ուկրաինայի Խմելնիցկի քաղաքի մերձակայքում վթարվել է երկրի ռազմաօդային ուժերի ուսումնամարտական Լ-39 ինքնաթիռ: Ինքնաթիռի երկու օդաչուներն էլ մահացել են:
Այս մասին հայտնում են Ուկրաինայի ռազմաօդային ուժերի մամուլի ծառայությունից. փոխանցում է ուկրաինական 112.ua լրատվակայքը:
Ուկրաինայի ՌՕՈւ մամուլի ծառայությունից հայտնել են նաև, որ ինքնաթիռը իրականացնում էր ուսումնական թռիչք, իսկ այդպիսիք անցկացվում են գրեթե ամեն օր:
Նշենք, որ Լ-39 ինքնաթիռներով ուսումնական թռիչքներ են իրականացնում նաև ՀՀ ԶՈւ օդաչուները և կուրսանտները: Այդ ինքնաթիռներից առկա է նաև Ադրբեջանի ավիացիոն պարկում: