Արցախի ՊԲ հյուսիսային ուղղությամբ տեղակայված զորամասում անցկացվել է ծառայողական խորհրդակցություն, որը ղեկավարել է ՊԲ հրամանատար, գեներալ-լեյտենանտ Լևոն Մնացականյանը: Այս մասին հայտնի է դարձել ՊԲ «Գոյամարտ» հաղորդաշարի սեպտեմբերի 10-ի թողարկումից:
Խորհդակցությանը մասնակցել են բանակի հրամանատարի տեղակալները, շտաբի բաժինների և ծառայությունների պետերը, միավորումներից մեկի և ենթակա զորամասերի հրամանատարները:
Այն վերաբերել է նոր ուսումնական փուլի մեկնարկային գործընթացի ժամանակ զորամասում կատարված աշխատանքներին և արձանագրված թերությունների վերացման հարցերին:
Խորհրդակցության ընթացքում քննարկվել են զորամասի մարտական պատրաստության, զինծառայողների մարտունակության և մասնագիտական ունակությունների զարգացմանը, ինչպես նաև նոր ուսումնական փուլի ընթացքում արձանագրված թերությունների և բացթողումների վերացմանը վերաբերող հարցեր:
ՊԲ հրամանատարը առաջիկա անելիքների վերաբերյալ ցուցումներ և առաջադրանքներ է տվել: