Սեպտեմբերի 3-ին Իրանում ցուցադրել են բանակի «Խաթամ ալ-Անբիա» հակաօդային պաշտպանության ստորաբաժանման անօդաչու թռչող սարքերի համար նախատեսված առաջին առանձին կայանատեղին։ Այս մասին տեղեկացնում է իրանական «Թաբնաք» լրատվական գործակալությունը։
Կայանատեղին և տեղակայված անօդաչուները նախագծվել են վերջին 7 տարիների ընթացքում։
Ավելացնենք, որ իրանցի մասնագետների պատրաստած հարվածային անօդաչուները կիրառվում են նաև Սիրիայում և Իրաքում։
Ավելի վաղ Իրանը մի քանի անօդաչու թռչող սարք էր ներկայացրել Ռուսաստանի Ժուկովսկի քաղաքում անցկացվող «ՄԱԿՍ-2017» միջազգային ավիացուցահանդեսին։
Իրանում նույնպես պարբերաբար կազմակերպվում են ավիացուցահանդեսներ, որտեղ իրենց նախագծած անօդաչուներն են ներկայացնում նաև իրանցի դպրոցականներն ու համալսարանականները (1, 2):