Իրանը հրթիռների արտադրման գործարան է կառուցում Սիրիայում. Իսրայելական TV

Օգոստոսի 15-ին իսրայելական Channel-2  հեռուստաալիքը հաղորդել է, որ Իրանը մեծ հեռահարության հրթիռների արտադրման գործարան է կառուցում Սիրիայի հյուսիս-արևմուտքում։ Օգոստոսի 15-ին տեղեկացնում է Reuters լրատվական գործակալությունը։

Իբրև ապացույց հեռուստաալիքը ներկայացրել է արբանյակային լուսանկարներ, որտեղ երևում է ենթադրաբար կառուցվող ինչ-որ օբյեկտ։ Ըստ հեռուստաալիքի՝ լուսանկարներում երևացող կառույցը շատ նման է Թեհրանի մոտ գտնվող հրթիռարտադրման գործարանին։

Ենթադրյալ գործարանը կառուցվում է Միջերկրական ծովի ափերին գտնվող Բանիյաս քաղաքից արևելք։

Սիրիայում Իրանի կառուցած հրթիռների արտադրման գործարանը ըստ իսրայելական Channel 2 հեռուստաալիքի

Սիրիայում Իրանի կառուցած հրթիռների արտադրման գործարանը ըստ իսրայելական Channel 2 հեռուստաալիքի

Նշենք, որ նմանատիպ տեղեկություններ մեկ ամիս առաջ տարածել էր սիրիական Zaman al-Wasl ընդդիմադիր լրատվակայքը: Ըստ լրատվակայքի՝ 2016 թվականից սիրիական Վադի Ջեհանամում գործարան է կառուցվում, որտեղ Իրանը հրթիռներ է արտադրելու։

Ըստ նույն աղբյուրի՝ գործարանը շահագործման է հանձնվելու 2017-ի վերջին։ Նշվում է, որ այնտեղ կարող են արտադրվել  մեծ և միջին հեռահարության հրթիռներ, այդ թվում՝ Fateh-110 դասի (համարվում է միջին՝ մինչև 300 կմ հեռահարություն):

Իրանը համարվում է Իրաքի և Սիրիայի դաշնակիցը «Իսլամական պետություն» ահաբեկչական խմբավորման դեմ պայքարում, որի շրջանակներում Իրանը նաև սպառազինություն է մատակարարում այս երկրներին։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *