Օգոստոսի 13-ին Պենտագոնից հայտնել են, որ Իրաքի հյուսիսում ԱՄՆ գլխավորած միջազգային կոալիցիայի «Անքակտելի վճռականություն» (Inherent Resolve) գործողության ընթացքում սպանվել է ԱՄՆ բանակի 2 զինծառայող, ևս 5-ը՝ վիրավորվել: Այս մասին նշված է ԱՄՆ ՊՆ (Պենտագոն) հաղորդագրությունում:
Իրաքի Մոսուլ քաղաքում ԻՊ դեմ գործողություններին ներգրավված ԱՄՆ բանակի հատուկ ջոկատայիններ. (արխիվ)
Նախնական տվյալներով՝ ԱՄՆ բանակի կորուստները «թշնամու հետ կոնտակտի» հետևանքով չեն. տարվում են հետաքննչական աշխատանքներ:
Հիշեցնենք,ո ր ԱՄՆ գլխավորած կոալիցիան Իրաքում և Սիրիայում հիմնականում ներգրավված է օդային գործողություններում: Կոլաիցիայի ինքնաթիռները Իրաքի տարածքում օժանդակում են կառավարական բանակին՝ ընդդեմ «Իսլամական պետություն» ահաբեկչական խմբավորման զինյալների:
2016 թ. հոկտեմբերից 2017 թ. հուլիսն ընկած ժամանակահատվածում Իրաքի բանակը, Իրաքի քրդական շրջանի ուժերը ԱՄՆ գլխավորած կոալիցիայի աջակցությամբ ԻՊ-ից ազատագրել են այդ երկում իսլամիստների խոշորագույն կենտրոնը՝ Մոսուլ քաղաքը:
Սակայն բացի ռազմաօդային ուժերից, ԱՄՆ Իրաքում գործողություններին ներգրավել է նաև հատուկ նշանակության ուժերի զինծառայողների: