Օգոստոսի 2-ին Աֆղանստանի հարավային Քանդահար շրջանում հարձակման է ենթարկվել Աֆղանստանում գործող միջազգային ուժերի շարասյունը: Դեպքը հաստատել են նաև Աֆղանստանում «Վճռական աջակցություն» առաքելության մամուլի ծառայությունից:
Resolute Support can confirm that a NATO
convoy was attacked this afternoon in #Kandahar . pic.twitter.com/gwRfMGBjLq— Resolute Support (@ResoluteSupport) August 2, 2017
Հայտնում են, որ հարձակումը եղել է այսօր կեսօրին: Հարձակման հետևանքով կան կորուստներ: Չի նշվում, սակայն, թե տուժածները որ երկրի զինված ուժերի ներկայացուցիչներ են:
Հարձակման պատասխանատվությունը ստանձնել է «Թալիբան» ահաբեկչական խմբավորումը:
Աֆղանստանում ՆԱՏՕ-ի «Վճռական աջակցություն» առաքելությանը մասնակցում է նաև Հայաստանի ՊՆ խաղաղապահ բրիգադի 125-130 զինծառայող: Մեր զինվորականները տեղակայված են Աֆղանստանի Մազարի Շարիֆ բազայում և բավական հեռու են Քանդահարից: