«Հայկական կրակից» սպանվել է Ադրբեջանի ԶՈւ լեյտենանտ

Հուլիսի 30-ին «հայկական կողմի արձակած» կրակից մահացել է Ադրբեջանի ԶՈւ զինծառայող, լեյտենանտ Էքբերլի Հուսեյն Զաքիր օղլուն (Əkbərli Hüseyn Zakir oğlu): Այս մասին հայտնում է Ադրբեջանի ՊՆ կայքը։

Էքբերլի Հուսեյնը Ադրբեջանի Ջալիլաբադի շրջանի Եչարա գյուղի բնակիչ էր՝ ծնված 1993-ին։

Նշենք, որ 2017 թ. հունվարի 1-ից մինչև օրս բաց աղբյուրներից հայտնի է դարձել Ադրբեջանի բանակի 38 մահացած զինծառայողի անուն։ Դրանից բացի հայտնի է դարձել ևս 3 մահացածի անուն, որոնք հնարավոր է լինեն Ադրբեջանի Ներքին զորքերից։