Defense News պարբերականը 100 խոշորագույն ռազմարդյունաբերական ընկերությունների ցանկում ընդգրկել է իսրայելական 4 ընկերություն: 2016 թ. հրապարակված ցուցակի համեմատ ընկերությունների ցանկում փոփոխություն չկա:
Իսրայելական նշված 4 ընկերություններն էլ համագործակցում են Ադրբեջանի հետ, զենք են վաճառում այդ երկրին:
Ընկերություն | Եկամուտ (մլն $) |
---|---|
27. Elbit Systems | 3147 |
33. Israel Aerospace Industries | 2618 |
37. Rafael Advanced Defense Systems | 2354 |
92. Israel Military Industries | 496 |
Բաց աղբյուրներից հայտնի դարձած տվյալներով՝ իսրայելական նշված 4 ընկերությունները Ադրբեջանին վաճառել են առնվազն հետևյալ զինտեխնիկան՝
- Elbit Systems — Lynx (Լինքս) համազարկային կրակի ռեակտիվ համակարգեր, 120 մմ տրամաչափի Cardom ականանետներ: Ընկերությունը նաև արդիականացրել է Ադրբեջանի Տ-72 տանկերը:
- Israel Aerospace Industries — Barak-8 ԶՀՀ-ներ, Harop մահապարտ ԱԹՍ-ներ, Skystar 300 աերոստատներ, Ընկերությունն արդիականացրել է Ադրբեջանի Մի-17 ուղղաթիռները:
- Rafael Advanced Defense Systems — Spike LR հակատանկային հրթիռային համալիրներ:
- Israel Military Industries — POMINS-2 դյուրակիր ականազերծող սարքեր:
Հավելենք, որ չհաստատված տվյալներ կան նաև այլ սպառազինության վաճառքի մասին: Բացի այդ, Ադրբեջանը համագործակցում է իսրայելական մի շարք այլ ընկերությունների հետ:
Այդ թվում արժե առանձնացնել Aeronautics Defense Systems և Israel Shipyard ընկերությունները: Առաջինից ադրբեջանցիները գնում են հետախուզական ԱԹՍ-ների հիմնական մասը, ինչպես նաև կազմակերպում համատեղ արտադրություն Ադրբեջանում: Երկորրդ ընկերությունից գնում են նավեր, Ադրբեջանում կազմակերպում նավերի հավաքման գործընթացը:
Հավելենք, որ համաձայն «Ստոկհոլմի խաղաղության միջազգային հետազոտությունների ինստիտուտը» (SIRPI) տվյալների՝ Ադրբեջանի ներկրումներին բաժին է ընկնում 2012-2016 թթ Իսրայելի արտահանած ամբողջ սպառազինության 13 տոկոսը:
Համապատասխան հրապարակումներում կարող եք տեսնել նաև ցուցակում ընդգրկված թուրքական և ռուսաստանյան ընկերությունների ցանկը: