ՆԱՏՕ-ի անդամ պետությունների պաշտպանական ծախսերի չափերն աճում են (աղյուսակ)

ՆԱՏՕ-ն հրապարակել է դաշինքի անդամ պետությունների պաշտպանական ծախսերի վերաբերյալ տարեկան զեկույցը, ըստ որի՝ նախորդ տարվա համեմատ ընդհանուր ծախսերը որոշ չափով աճել են, իսկ Ռումինիան կատարել է ՆԱՏՕ-ի հորդորը՝ պաշտպանական ծախսերը հասցնելով ՀՆԱ-ի 2 տոկոսի մակարդակի: ՆԱՏՕ-ի պաշտպանական ծախսերի ամբողջ զեկույցը կարելի է ներբեռնել այստեղից:

Տվյալները ՆԱՏՕ-ի քարտուղարություն ներկայացրել են հենց անդամ պետությունները: 2017-ի համար ներկայացված թվերը ներկայացված են ըստ մասնագետների գնահատականների, քանի դեռ տարին դեռ չի ավարտվել: Վերջնական հաշվարկում դրանք կարող են փոփոխվել:

2016 թվականի համեմատ՝ ՆԱՏՕ-ի 2017 թվականի համար նախատեսված ընդհանուր ծախսերը ավելացել են շուրջ 25 մլրդ ԱՄՆ դոլարով: Այստեղ, սակայն, ավելացումը հիմնականում կատարվել է ի հաշիվ ԱՄՆ-ի, քանի որ ԱՄՆ-ն իր ընդհանուր ծախսերը ավելացրել էր շուրջ 19 մլրդ դոլարով:

Այս տարի ՆԱՏՕ-ի անդամ երկրների շարքը համալրեց նաև Չեռնոգորիան, սակայն այս երկրի բաժինը կառույցի երկրների ռազմական ծախսերի ընդհանուր թվի մեջ չնչին է՝ 72 մլն դոլար:

Բոլոր թվերը կարող եք տեսնել ստորև ներկայացված աղյուսակում:

Ինչ վերաբերում է ՆԱՏՕ-ի՝ պաշտպանական ծախսերը ՀՆԱ-ի երկու տոկոսի մակարդակի հասցնելու հորդորին, ապա այս շեմին հասած 5 երկրներին ավելացել է Ռումինիան:

  • ԱՄՆ (3,58 տոկոս),
  • Հունաստան (2,32 տոկոս),
  • Մեծ Բրիտանիա (2,14 տոկոս),
  • Էստոնիա (2,14 տոկոս),
  • Ռումինիա (2,02 տոկոս),
  • Լեհաստան (2,01 տոկոս):

Համեմատության համար. 2016-ի ցուցանիշներով ՀՀ պաշտպանական բյուջեիհարաբերությունը Հայաստանի ՀՆԱ-ին մոտ 4,1 տոկոս է:

Պաշտպանությանն ուղղված ծախսերը՝ ՀՆԱ համեմատությամբ

Պաշտպանությանն ուղղված ծախսերը՝ ՀՆԱ համեմատությամբ

ՆԱՏՕ-ն իր անդամներին առաջարկում է նաև երկրի ռազմական բյուջեյի 20%-ը հատկացնել ռազմական տեխնիկայի և սպառազինության ձեռքբերմանը:

2017-ի գնահատականով այդ առաջարկը բավարարել է միայն 13 երկիր: 2 տոկոսի շեմը անցած երկրներից այս առաջարկը չեն կատարել միայն Հուսաստանը (15,44 տոկոս) և Էստոնիան (19,27 տոկոս):

Ներկայացված են թե, երկրները սեփական ռազմական բյուջեյից քանի տոկոսն են հատկացրել զինտեխնիկայի և սպառազինության ձեռքբերմանը

Ներկայացված են թե, երկրները սեփական ռազմական բյուջեյից քանի տոկոսն են հատկացրել զինտեխնիկայի և սպառազինության ձեռքբերմանը

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *