Հուլիսի 10-ի գիշերը Միացյալ Նահանգների Միսսիսիպի նահանգի արևմյան հատվածում վթարվել է ամերիկյան Lockheed Martin ընկերության արտադրության C-130 Hercules բեռնատար ինքնաթիռ: Վթարի ժամանակ ինքնաթիռում եղել է 16 մարդ, բոլորը զոհվել են: Այս մասին հայտնում է ամերկյան CNN հեռուստաընկերության կայքը:
BREAKING UPDATE: 16 people on board military C-130 killed in LeFlore County plane crash https://t.co/1KvzFukSzr pic.twitter.com/D6oeUZDj4E
— WLBT 3 On Your Side (@WLBT) July 11, 2017
Վթարված C-130 Hercules ինքնաթիռը պատկանում էր ԱՄՆ Ծովային հետևակի հրամանատարությանը: Վթարից հետո դեպքի վայրում հրդեհ է բռնկվել:
Վթարի պատճառները դեռևս հայտնի չեն: ԱՄՆ Ծովային հետևակի հրամանատրությունը Twitter-ի իր միկրոբլոգում հայտնել է, որ վթարվել է KC-130 Hercules լիցքավորող ինքնաթիռներ, այլ տեղեկություններ դեռևս հայտնի չեն:
Ամերիկյան արտադրության C-130 Hercules ինքնաթիռը ԱՄՆ զինված ուժերում և ՆԱՏՕ-ի անդամ մի շարք երկրներում ամենաշատ օգտագործվող բեռնատար ինքնաթիռներից մեկն է: Արտադրվում է դեռևս 1950-ական թվականներից:
Ունի մի շարք մոդեֆիկացիաներ և արդիիականացված տարբերակներ: KC-130 ինքնաթիռները Hercules ինքնաթիռների լիցքավորող տարբերակներն են։ Սրանք նույնպես արտադրում է ամերիկյան Lockheed Martin ընկերությունը։