Հունիսի 24-ին Իրանի իսլամական հեղափոխության պահապանների կորպուսը (ԻՀՊԿ) Թեհրանի Մեհրաբադ օդանավակայանում զորավարժություն է անցկացրել։ Այս մասին տեղեկացնում է ԻՀՊԿ «Սեփահնյուզ» լրատվակայքը։
Զորավարժությունը անցկացվել է «ԻՀՊԿ ստորաբաժանումների մարտական պատրաստության աստիճանը բարձրացնելու և գործողությունների կարողությունը չափելու» նպատակով։
Հավանական է, որ այս վարժանքները հակաահաբեկչական են, քանի որ Թեհրանի ահաբեկչությունից հետո Իրանում խստացրել են ահաբեկիչների դեմ պայքարը:
ԻՀՊԿ ցամաքային ուժերի «Սաբերին» հատուկջոկատայինները
Հունիսի 7-ին Իրանի մայրաքաղաք Թեհրանում «Իսլամական պետություն» ահաբեկչական խմբավորումը իրականացրել էր 2 ահաբեկչական հարձակում, ինչի հետևանքով սպանվել էր 18, վիրավորվել՝ 50-ից ավելի մարդ։
Ահաբեկչական հարձակումներից հետո Իրանը խստացրել է երկրի անվտանգության հսկողությունը և գործի դնելով բոլոր ուժային կառույցները՝ ահաբեկիչների «որս» է սկսել։
Իսկ հունիսի 18-ին, ի պատասխան Թեհրանի ահաբեկչական հարձակումներին, Իրանը հրթիռային հարվածներ է հասցրել Սիրիայում ԻՊ դիրքերին: Հրթիռային հարվածներից, ըստ ԻՀՊԿ հայտարարության, սպանվել է 170-ից ավելի ահաբեկիչ։
Իրանը «Զոլֆաղար» հրթիռ է արձակում ԻՊ դիրքերի ուղղությամբ