«Իսլամական պետություն» ահաբեկչական խմբավորման դեմ գործող, ԱՄՆ հովանավորյալ, արաբներից և հիմնականում քրդերից կազմված «Սիրիայի դեմոկրատական ուժերը» (SDF) փորձում են Ռաքքա քաղաքը լիովին շրջափակման մեջ վերցնել:
Քրդական ANF լրատվակայքը հայտնում է, որ մարտերը շարունակվում են քաղաքի արևմտյան ալ-Բարիդ թաղամասում, որտեղ քրդական ուժերը վերահսկողություն էին հաստատել մի քանի օր առաջ:
Մարտերը շարունակվում են նաև արևմտյան Հիթին թաղամասում: Քրդական այլ աղբյուրների պնդմամբ՝ իրենց ուժերը արդեն վերահսկում են թաղամասի մի զգալի հատված:
ԱՄՆ ծովային հետևակի հրետանավորները հրետակոծում են Ռաքքան
Վերջին օրերին քրդական ուժերը նաև գրոհը զարգացնում են քաղաքի հարավային շրջանում՝ փորձելով քաղաքը շրջափակել բոլոր կողմերից: Ամսվա սկզբին SDF-ը քաղաքը գրոհել էր հիմնականում արևմուտքից և արևելքից, իսկ մինչ այդ արդեն ամրապնդել էր դիրքերը հյուսիսում:
Ենթադրվում է, որ հարավում SDF-ը իր գործը հեշտացնելու համար փորձում էր ԻՊ զինյալներին քաղաքից հեռանալու հնարավորություն տալ: Վերջին օրերին, սակայն, քրդական ուժերը նաև զարգացնում են գրոհը հարավից: Այդ ուղղությամբ քրդական ուժերը վերահսկողություն են հաստատել նաև քաղաքի հարավային Շեյխ ալ-Ջիմալ թաղամասում:
ԱՄՆ ծովային հետևակի հրետանավորները հրետակոծում են Ռաքքան
Գրոհին շարունակում են աջակցել նաև ԱՄՆ գլխավորած միջազգային կոալիցիայի ուժերը: Ավիահարվածներին զուգահեռ քաղաքին հրետանային հարվածներ են հասցնում նաև ԱՄՆ ծովային հետևակի հրետանային ուժերը:
Marines have been conducting 24-hour fire support for the Syrian Democratic Forces as part of CJTF-OIR to defeat ISIS in Iraq and Syria. pic.twitter.com/jAX5QPcgZ0
— U.S. Marines (@USMC) June 21, 2017