ՀՀ ԶՈւ Զինծառայողների ապահովագրության հիմնադրամը հունվարի 1-ից մինչև հունիսի 19-ը ստացել է մոտ 37,8 մլն ՀՀ դրամի նվիրատվություն: Իսկ պարտադիր վճարներով այս ընթացքում հավաքվել է 2 մրդ 25 մլն դրամ: Այս մասին հայտնի է դառնում հիմնադրամի կայքից:
Մինչև հունիսի 19-ն այս գումարից կատարվել է 134 մլն դրամի հատկացում՝ 13 զինծառայողի ընտանիքի: Եվս երկու ընտանիք գումարները կստանան հունիսի 20-ին ընդունված որոշմամբ:
Նվիրատվությունները հիմնականում կատարվել են Հայաստանից (28,5 մլն դրամ): 1 մլն դրամը շեմը գերազանցում են ևս 3 երկրներից՝ Կիպրոսից, Ռուսաստանից և Ռումինիայից կատարված նվիրատվությունները:
| Հայաստան | 28 491 786 |
| Կիպրոս | 4 801 750 |
| Ռուսաստան | 2 647 574 |
| Ռումինիա | 1 083 499 |
| Շվեցարիա | 377 160 |
| Կատար | 134 895 |
| ԱՄՆ | 113 897 |
| Կանադա | 48 177 |
| Գերմանիա | 32 328 |
| Անհայտ | 29 088 |
| Մեծ Բրիտանիա | 5 000 |
| Շվեդիա | 5 000 |
| Օման | 1 000 |