Հունիսի 9-ին որոշվել է երկու զոհված և մեկ 1-ին խմբի զինհաշմանդամ զինծառայողի ընտանիքներին փոխանցել «Զինծառայողների ապահովագրության հիմնադրամով» նախատեսված միանվագ 10-ական միլիոն ՀՀ դրամ և 20 տարվա ընթացքում տրամադրել ամսական 200 000 ՀՀ դրամ:Այս մասին հայտնում է «Զինծառայողների ապահովագրության հիմնադրամի» կայքը:
Գումար է փոխանցվել ժամկետային զինծառայող, շարքային Գուրգեն Հարությունի Սարգսյանի, Մհեր Ֆելիքսի Արզումանյանի և ժամկետային զինծառայող, շարքային Կորյուն Կամոյի Կիրակոսյանի ընտանիքներին:
Գուրգեն Հարությունի Սարգսյանը նախկինում ստացած վիրավորումից մահացել էր մարտի 1-ին ՀՀ ՊՆ կենտրոնական կլինիկական զինվորական հոսպիտալում:
Մհեր Ֆելիքսի Արզումանյանը զոհվել էր ապրիլի 28-ին՝ ՊԲ հարավային ուղղությամբ հակառակորդի կրակոցից :
Կորյուն Կամոյի Կիրակոսյանը վիրավորվել էր հակառակորդի կրակոցից փետրվարի 8-ին՝ Մարտակերտի ուղղությամբ:
Նշենք, որ զոհված և 1-ին կարգի հաշմանդամ զինծառայողների ընտանիքները ստանում են նույն չափի գումար:
Մինչ այս հիմնադրամից փոխհատուցում է ստացել տասը զոհված զինծառայողի ընտանիք.
- Անդրանիկ Սմբատի Մուսիկյան
- Գոռ Համազասպի Գարեգինյան
- Գեղամ Հենրիկի Մանուկյան
- Կարեն Մարատի Ուլուբաբյան
- Արայիկ Իգորի Սարգսյան
- Արտակ Էդիկի Ռաֆաելյան
- Նվեր Յուրիկի Բաբաջանյան
- Նարեկ Հմայակի Հարութունյան
- Գոռ Գևորգի Հովհաննիսյան
- Գոռ Ֆրունզիկի Խուդինյան