Մայիսի 26-ին Թբիլիսիում անցկացված ռազմական ցուցահանդեսին ցուցադրվել էր նաև զենիթահրթիռային Spyder համակարգը՝ իր Python հրթիռներով: Ուսումնասիրությունից պարզ է դարձել, որ, ամենայն հավանականությամբ, ցուցադրվել են ոչ թե հրթիռների մակետները, այլ հենց մարտական հրթիռները՝ լիցքավորված մարտագլխիկներով:
Այս մասին հայտնում է վրացի ռազմական փորձագետ Իրակլի Ալադաշվիլին:
Վրաստանի ԶՈւ Spyder ԶՀՀ
Ցուցադրությունը կայացել էր Թբիլիսիի հրապարակում, որտեղ ներկա էին նաև մեծ թվով երեխաներ: Ըստ փորձագետի՝ հրապարակում ցուցադրված բոլոր 4 հրթիռների վրա չկար որևէ նշում, որ դրանք մակետներ են, կամ «INERT» գրառումը, ինչ նշաբակում է որ դա մարտական հրթիռ չէ: Դրանց փոխարեն հրթիռների վրա եղել են սերիական համարները:
Spyder ԶՀՀ-ի Python հրթիռները կշռում են 103 կգ, որից 11 կգ-ն մարտական մասն է: Հրթիռները ունակ են խոցել մինչև 20 կմ հեռավորության թիրախներ:
Նշենք, որ ցուցադրություններին և զորահանդեսներին հրթիռային վառելիք և մարտագխիկ պարունակող մարտական հրթիռների փոխարեն հիմնականում օգտագործում են դրանց մակետները: Հրթիռների համար նախատեսված են անվտանգության համակարգեր, սակայն ամեն դեպքում դրանք անվտանգության երաշխիքներ չեն:
Վրաստանի ԶՈւ Dana ինքնագնաց հրետանի
Ալադաշվիլին հայտնել է նաև, որ ցուցադրության ժամանակ երեխաները հասցրել են նաև վնասել մի քանի միավոր զինտեխնիկա, այդ թվում՝ կոտրել են «Գրադ» ՀԿՌԿ-ի նշանառության սարք և զրահամեքնայի դուռ: