Սիրիայի Դեր Զորի նահանգում ԱՄՆ ավիահարվածների արդյունքում սպանվել է «Իսլամական պետություն» ահաբեկչական խմբավորման «Ամաք» լրատուի հիմնադիր Ռայան Մեշհալը (իրական անունը՝ Մուհամեդ Բառա Քադեք):
Ըստ Reuters լրատվական գործակալության՝ «Ամաքի» հիմնադիրի սպանության մասին հայտնել է եղբայրը՝ իր ֆեյսբուքյան էջում: Եղբայրը նշել է նաև, որ Ռայան Մեշհալի հետ միասին սպանվել է նաև նրա աղջիկը:
Նշենք, որ դեռ ոչ ԱՄՆ-ն, ոչ էլ ԻՊ-ի աղբյուրները կատարվածին չեն արձագանքել:
Ռայան Մեշհալի սպանության մասին թվիթերում հայտնել է նաև նրա նախկին համակուրսեցին:
Baraa Kadek, founder of pro ISIS Amaaq agency, has been killed by a drone strike. He was my colleague in Aleppo university 2006-2011 pic.twitter.com/HvIPMAFJDl
— Abdurahman (@bdrhmnhrk) May 31, 2017
ԻՊ-ի «Ամաք» լրատուն նրանց քարոզչական գործիքն է, իսկ ԻՊ ուղերձները տարբեր եղանակներով հենց «Ամաքի» միջոցով են տարածվում: