Մայիսի 31-ին Ադրբեջանի պաշտպանության նախարարության մամուլի ծառայության կողմից տարածված հաղորդագրությունն առ այն, թե իբր ոչնչացվել է արցախյան բանակին պատկանող երկարաժամկետ կրակակետ (ДОТ), իրականությանը չի համապատասխանում: Այս մասին հայտնում է ՊԲ կայքը:
Հաղորդագրության մեջ նշվում է, որ այսօրվա ընթացքում հրադադարի պահպանման ռեժիմի լուրջ խախտումներ չեն արձանագրվել, իսկ նմանաբովանդակ ապատեղեկատվության տարածումը բացառապես ուղղված է ադրբեջանական լսարանին: Պաշտպանության բանակը շարունակում է լիակատար վերահսկողություն պահպանել առաջնագծում և որևէ կորուստ չի ունեցել:
Ավելացնենք, որ ավելի վաղ Ադրբեջանի ՊՆ կայքը հաղորդագրություն և տեսանյութ էր տարածել, ըստ որոնց՝ իբր ադրբեջանական կողմը Մարտունի-Ֆիզուլի ուղղությամբ խոցել է հայկական զինված ուժերի երկարաժամկետ կրակակետ, որից իբր մինչ այդ հայկական կողմը կրակել էր ադրբեջանական դիրքերին: