Մայիսի երկրորդ շաբաթվա ընթացքում Թուրքիայում անցկացված IDEF-2017 ռազմարդյունաբերական ցուցահանդեսին թուրքական «Ասելսան» ընկերությունը ներկայացրել է 155 մմ տրամաչափի ASYA կամ KMO ինքնագնաց հրետանային համակարգի նախատիպը:
Հաուբիցը նախագծվել է «Ասելսան» ընկերության, Ռազմական գործարանների գլխավոր վարչության և Թուրքիայի ԶՈւ ցամաքային զորքերի հրամանատարության միջև կնքված համաձայնագրի հիման վրա:
Թուրքական «Ասելսան» ընկերության արտադրության ASYA ինքնագնաց հաուբից
Համակարգը կարող է կրակել ՆԱՏՕ-ի արտադրության 155 մմ տրամաչափի բոլոր տեսակի արկերով. նշվում է «Ասելսան» ընկերության հրապարակած գրքույկում:
Հաուբիցի մարտավարատեխնիկական բնութագիրը՝
- Մարտական լրակազմը՝ 21 արկ,
- Մարտական զանգվածը՝ 26 տոննա,
- Երկարությունը՝ 11 մ,
- Լայնությունը՝ 2,6 մ,
- Բարձրությունը՝ 3,7 մ,
- Կրակին պատրաստվելու ժամանակը՝ 1 րոպե,
- Տեղը փոխելու ժամանակը՝ 2 րոպե:
Հիշեցնենք, որ նույն ցուցահանդեսի ընթացքում թուրքական MKEK ընկերությունը ներկայացրել էր սեփական արտադրության նույնպես 155 մմ տրամաչափի Yavuz ինքնագնաց հրետանային համակարգը:
Թուրքական MKEK ընկերության արտադրության Yavuz ինքնագնաց հաուբից
Թուրքական «Ասելսան» ընկերության արտադրության ASYA ինքնագնաց հաուբից