ՌԴ ԶՈւ Սևծովյան նավատորմի հրթիռային նավերը և կատերները զորավարժության շրջանակներում հրետանային կրակով խոցել են ծովային և օդային թիրախներ։ Այս մասին մայիսի 10-ին տեղեկացնում է ռուսաստանյան «ՌԻԱ նովոստի» լրատվական գործակալությունը։
Զորավարժության ընթացքում խաղարկվել են նաև ծովամարտի, հակառակորդի օդային հարձակման միջոցներից պաշտպանվելու գործողություններ։
Զորավարժությանը ներգրավվել են «Իվանովեց», «Ռ-60», «Ռ-239» հրթիռային կատերները, «Սամում» հրթիռային նավը։ Վարժանքներին ներգրավվել են նաև Սևծովյան նավատորմի ծովային ավիացիայի ինքնաթիռներ։
Զորավարժությունն անցկացվել է Սևծովյան նավատորմի զորավարժարաններում՝ մարտական պատրաստության ծրագրին համապատասխան։