Մայիսի 9-ին թուրքայում մեկնարկել է IDEF-2017 ռազմարդյունաբերական ցուցահանդեսը: Առաջին օրը ցուցադրվել է տեղական արտադրության հրթիռային տեխնիկա, զրահամեքենաներ, հրետանային համակարգեր: Որոշ հրթիռային համակարգերի նախատիպեր ցուցադրվում են առաջին անգամ:
ROKETSAN mühendislerinin ürünü TRG-300 KAPLAN'ı görmeden geçmeyin… #idef17 #IDEF17 pic.twitter.com/lxKJAjJoAg
— Fikri Işık (@fikriisik) May 9, 2017
Թուրքական մեկ այլ խոշոր ընկերություն՝ «Ռոքեթսանը», ներկայացրել է սեփական արտադրության TRG-300 Kaplan կառավարվող հրթիռը՝ նախատեսված T-300 «Քասըրղա» ՀԿՌՀ-ների համար.
Հրթիռի մարտավարատեխնիկական բնութագրերը՝
- Տրամաչափը — 300 մմ,
- Առավելագույն հեռահարությունը — 120 կմ,
- Նվազագույն հեռահարությունը — 30կմ,
- Զանգվածը — 585 կգ,
- Մարտագլխիկի զանգվածը — 105 կգ,
- Ղեկավարումը՝ Գլոբալ Տեղորոշման համակարգին օժանդակող իներցիալ տեղորոշման համակարգ (GNSS added INS):
Ցուցահանդեսին առաջին անգամ ներկայացվել է նաև «Բորա» օպերատիվ մարտավարական հրթիռային համակարգը: Այս համակարգը նույնպես արտադրում է «Ռոքեթսան» ընկերությունը՝ Թուրքիայի ՊԱԳՎ հետ 2009 թ. կնքված համապատասխան պայմանագրով:
«Բորա» հթրիռային համակարգի համար նախագծվում է նաև արտահանման տարբերակ՝ փոքրացված հեռահարությամբ (Khan): Այս համակարգն առաջին անգամ ցուցադրվել է 2017 թ. Աբու Դաբիում անցկացված ռազմարդյունաբերական ցուցահանդեսին:
Համակարգի ՄՏԲ-ն՝
- Տրամաչափը — 610 մմ,
- Երկարությունը — 7 մ / 7,2 մ,
- Զանգվածը — 2500 կգ,
- Մարտագլխիկի զանգվածը — 470 կգ,
- Հեռահարությունը — 80-260 (KHAN` արտահանվող),
- Հեռահարությունը — 80-360 (Bora),
- Կրակի ինտենսիվությունը — 20 վյրկ,
- Փողերի քանակը — 2:
#idef17 'de ilk kez sergilenecek BORA Füzesi zamanında, doğru ve etkili ateş gücü ile askeri birliklerimize mükemmel ateş desteği sağlıyor. pic.twitter.com/vM0XAocSJm
— Fikri Işık (@fikriisik) May 8, 2017
Milli piyade tüfeğimizi de üreten MKE, yeni ürünü YAVUZ 155 mm obüsü ile #idef17 'de hazır… pic.twitter.com/fkQJvyWo04
— Fikri Işık (@fikriisik) May 8, 2017
MKEK ընկերությունը ներկայացրել է սեփական արտադրության նոր ինքնագնաց հրետանային համակարգը, որի արտադրության մասին ընկերությունը հայտնել էր 2017 թ. ապրիլին:
Թուրքական այդ ընկերությունը ներկայում թուրքական զինուժին մատակարարում է 155 մմ տրամաչափի Fırtına ինքնագնաց հրետանային համակարգեր:
«Յավուզ» ինքնագնաց հաուբիթի ՄՏԲ՝
- Առավելագույն արագությունը — 90 կմ/ժ,
- Հաղթահարվող տարածությունը մեկ լիցքավորմամբ — 600 կմ,
- Զանգվածը — 20 տ,
- Երկարությունը — 10,8 մ,
- Լայնությունը — 2,6 մ,
- Անձնակազմը — 5,
- Հիմնական զենքը — 155 մմ թնդանոթ,
- Խոցման առավելագույն հեռահարությունը — 40 կմ,
- Կրակի ինտենսիվությունը — 6 կրակ/րոպե,
- Մարտական լրակազմը — 18 արկ:
Ցուցահանդեսում ներկայացվել են նաև տեղական ուղղաթիռներ և ինքնաթիռ, ինդոնեզա-թուրքական համատեղ արտադրության թեթև տանկ:
Թուրքական «Ռոքեթսան» ընկերության արտադրության TRG-300 Kaplan ՀԿՌՀ
Թուրքական «Ռոքեթսան» ընկերության արտադրության TRG-300 Kaplan ՀԿՌՀ
Թուրքական «Ռոքեթսան» ընկերության արտադրության BORA օպերատիվ-մարտավարական հրթիռային համակարգ
Թուրքական MKEK ընկերության արտադրության Yavuz ինքնագնաց հաուբից