Մայիսի 6-ին Ադրբեջանում համատեղ վարժանքներին ներգրավված Թուրքիայի ԶՈւ ստորաբաժանումը վերադարձել է Թուրքիա՝ մշտական տեղակայման վայր: Զորավարժությունը մեկնարկել էր մայիսի 1-ին և ավաևտվել՝ մայիսի 5-ին: Այս մասին հայտնել է Ադրբեջանի ՊՆ կայքը:
Ադրբեջանում վարժանքների մասնակցած Թուրքիայի ԶՈւ հետևակային վաշտ
Ադրբեջանում՝ Բաքվից շուրջ 20 կմ արևմուտք տեղակայված «Գարաիբադ» զորավարժարանի տարածքում: Թուրքական կողմից վարժանքներին ներգրավվել էր Իրանին սահմանակից Դողուբայազիդ գավառի սահմանապահ գնդի մեկ հետևակային վաշտ:
Վարժանքներին ներգրավվել էր ընդհանուր առմամբ ԶՈւ մոտ 1000 զինծառայող, 60 միավոր հրետանային կայան և ականանետներ, 80 միավոր այլ զինտեխնիկա:
Վարժանքները կրում էին պլանային բնույթ և անցկացվել են արդեն 5-րդ անգամ: Նախորդ զորավարժություններից երկուսն անցկացվել էին Թուրքիայի, մյուս երկուսը՝ Ադրբեջանի տարածքում: Բացի սա Թուրքիան և Ադրբեջանը տարեկան անցկացնում են ևս մի քանի այլ համատեղ զորավարժություն, այդ թվում՝ երկու երկրների ռազմաօդային ուժերի «ԹուրԱզ բազե» զորախաղերը:
«ԹուրԱզ բազե–2016» զորավարժությանը ներգրավված Ադրբեջանի ՌՕՈւ ՄիԳ-29 կործանիչներ