Ապրիլի 20-ին Ռուսաստանի ռազմաօդային ուժերի մարտական ավիացիայի օդաչուները Աստրախանում տեղակայված զորավարժարանում կատարել են պայմանական հակառակորդի օդային թիրախները խոցելու վարժանքներ: Այս մասին հայտնում է ՌԴ ՊՆ կայքը:
Ձմեռային ուսումնական շրջանի ստուգումների շրջանակներում ՄիԳ-29 կործանիչները զույգերով թռիչք են կատարել Աստրախան քաղաքից հյուսիս-արևմուտք ընկած Պրիվոլժսկիի օդանավակայանից, իրականացրել են պայմանական հակառակորդի օդային թիրախների հայտնաբերման և գրավման վարժանքներ:
Բացի այդ կործանիչները չկառավարվող հրթիռներ են արձակել զորավարժարանում տեղակայված պայմանական հակառակորդի ռազմական տեխնիկայի, օդանավակայանի և ենթակառուցվածքների դեր կատարող թիրախների ուղղությամբ:
Ընդհանուր առմամբ, թռիչքներին մասնակցել է Ռուսաստանի ԶՈւ շուրջ 10 Միգ-29 կործանիչի անձնակազմ: