Հայաստանում տեղակայված ռուսաստանյան 102-րդ ռազմաբազայի շուրջ 2000 զինծառայողի ներգրավմամբ մեկնարկել են ձմեռային ուսումնական փուլի ամփոփիչ ստուգումներ: Ներգրավված է շուրջ 500 միավոր սպառազինություն և զինտեխնիկա: Այս մասին հայտնում է ՌԴ ՊՆ կայքը:
Ստուգումներն անցկացվում են Ռուսաստանի զինված ուժերի հարավային ռազմական շրջանի հրամանատար, գեներալ-գնդապետ Ալեքսանդր Դվորնիկովի ընդհանուր ղեկավարությամբ:
Հայաստանում տեղակայված 102-րդ ռազմաբազայի 2000 զինծառայողի վարժանքներ (արխիվ)
Ստուգումներն անցնելու են 3 փուլով: Առաջին փուլում գնահատվելու են ստորաբաժանումների մարտական պատրաստությունը, մարտական հերթապահության վիճակը, զինտեխնիկան և այլն:
Երկրորդ փուլում զինծառայողները ստուգարքներ են հանձնելու կանոնակարգի, անվտանգության պահանջների և այլ փաստաթղթերի իմացությունների վերաբերյալ, կատարելու են իրավիճակային և մարտավարական առաջադրանքներ:
Երրորդ փուլում «Կամխուդ» և «Ալագյազ» զորավարժարաններում գնահատվելու են ստորաբաժանումների գիտելիքները:
Ստուգողական վարժանքների ընթացքում միավորումների զինծառայողները հրաձգային զինատեսակներով և մարտական մեքենաների սպառազինությունով ստուգողական կրակ կվարեն: